SiuYee

無論泳池定沙灘，無論係你定係人哋，無論作樂定作惡......
分享吓啦 !

May

下..唔係比人整估gei...
只係有一次.
同呀哥同埋呀媽去swimming...
果時我仲細...用水泡...
之後我呀媽就同左呀哥游緊..
我呀媽諗住我有水泡...就oK...
點知..我水泡穿左"lon"
之後溜氣...
then我就不停嗌:媽咪呀媽咪呀!!!..
我呀媽拉返我上黎...
到而家我仲好記得..
仲怕左游水timT_T

小矇

我細細個成日都同爸爸一齊去沙灘玩架
直至依家...都有一齊去架
有一次我地成家一些去玩....

點知個海面有野浮下浮下囉........

係.....衛生用品囉

kam527

我細個果既係泳池偷偷咁運左幾杯雪糕入去食~~
之後俾d救生員發現左~~
俾佢地鬧到死~~
之後我都唔敢去泳池la~~~
kaka

彗星er

HIHI~賢兄~我個名叫:"憂鬱的菜乾"
我想同你分享一個關於我以前游水ge古仔

話說~細路仔玩果陣唔會得閒理後果@@而果陣中一ge我仲未定性
so都搞左好多件大事出黎@@其中一件~就係發生係泳池
果陣我同兩個 fd 一齊去泳池游水,因為我地唔太識游水~so係玩水多~
玩悶左之後就玩一個game
就係兩個人托一個人@@再數3聲掟佢落水
我好彩~係掟人果個,但可能我唔夠力= =
我托ge果個人又可能太重
我捉唔實佢手,而另一人又掟緊佢落水
結果.........俾人掟ge果個頭撞左落地下後先跌落水度
我諗:"死啦死啦,個頭撞到咁大聲,實死啦"
點知佢佢又係水度浮返上黎,好似咩事都冇咁
至此之後~我就唔再掟人落水

CHAKI

之前試過響泳池游游下水
俾人禁住個頭 嚇到我"族"親..
之後起身知道係個細路玩野
我阿爸見到鬧到個細路喊
個細路既阿媽反而鬧番我
話我屈佢個仔

後尾俾我阿爸鬧多兩鬧
個女人駁唔到咀
帶個仔走左

我"族"親之後咳左勁耐lor..
我驚水驚左2年= =
最近先游番==


另外
我試過經過兒童池
見到有個幾歲大既細路仔響度對住個池小便= =

[ 本帖最後由 CHAKI 於 2008-5-14 03:47 編輯 ]

Kris.

我都唔知係作樂定作惡XD
話說我中一既時候因為義氣既關係就陪個fd參加左swimming gala,
重點係我重來都未落過水, 佢又呃又哄話日日陪我練水, 我就應承左-0-
之後學左10幾日都唔識, 因為練水其實係玩水-0-
佢又成日整估我(例如擺隻假強仔係水度嚇我, 第二次就蜘蛛啦)
睇到個救生員都好無奈, 忍唔住問左兩句
佢問我幾時比賽, 想過返我兩招
我話聽日就比賽啦, 佢就勁串我聽日就知屎- -
我先知衰
不過最後成功用其他理由呃到社長唔使去比賽=v=+
唔識游水走去報水運會...係唔係好無奈呢? XD

丫昇

好驚牙
有一次同媽咪同婆婆去swim,,,,無啦啦唔見左我婆婆,,

之後聽到一聲尖叫

完來我婆婆比救生員救返上黎

從此，佢就唔再ｓｗｉｍ．．．

ghostcat

我記得我小學鈿個放暑假的時候~
我表姐來左我屋企玩, 我地去左沙灘游水
我表姐就教我細佬游, 我家姐就教我游
點知, 我同我家姐越游越開... 最後...
對腳唔掂地... 咁就沉左, 飲左幾啖水,
雖然有個水泡都冇用, 浮唔起我地呀...
我記得有嗌救命嫁~ 最係係我媽咪救返我地
自此之後, 我就驚左游水, 到而家都未識游水

小狐狸

我swim最記得個次就係1月1日個日
個日游東泳= =
一望上去~d年青人個個打冷震=﹏﹏="
見到上年紀個d老人家(50以上)
個個龍精虎猛= =
好似唔怕冷咁-.-
一開始個時~
一落水就想上返來-.-d水凍到=﹏﹏=
但冇奶油行返上去架-.-
死頂咁游左過對面= =
上返水d大部分年青人面都青埋=3=
個次之後我都唔玩東泳=﹏﹏﹏=